Շահբազեան բարեգործական հիմնադրամի տասնամեայ կրթական առաքելութիւնը Հայաստանում

· March 21, 2024

Շահբազեան բարեգործական հիմնադրամը հիմնադրւել է Պրոֆեսոր Ժոզէֆ Շահբազեանի և Դոկտոր Բէլլա Մարգարեանի ջանքերով 2014 թւականին իրենց սիրելի եղբոր՝ Ջանսոն Շահբազեանի յիշատակին։

Պրոֆեսոր Ժոզէֆ Շահբազեանը ֆիզիկոս է, բժշկական ճարտարագէտ, հեղինակ, գիւտարար, բարերար, իսկ Դոկտոր Բէլլա Մարգարեանը բարձրագոյն կրթութեան ադմինիստրատըր, հեղինակ, գիւտարար և բարերար։ 2014 թւականից նրանք աջակցել են համակարգիչներով, կրթաթոշակներով և գրենական պիտոյքներով Հայաստանի հեռաւոր գիւղերի հարիւրաւոր աշակերտներին եւ ուսանողներին։

Հիմնադիրները 1990-ականների սկզբից աջակցում էին Հայաստանի տարբեր շրջաների ինչպէս Տաւուշի, Մարտունի և Իջևանի դպրոցների աշակերտներին, երբ նրանք դեռ ուսանող էին։ Հիմա այդ դպրոցի աշակերտները դարձել են նոյն դպրոցների ուսուցիչներ ու աշխատաւորներ։

Շահբազեան հիմնադրամը կենտրոնանում է STEM (բնական գիտութիւն, տեխնոլոգիա, ճարտարագիտութիւն և մաթեմատիկա) ծրագրերի վրայ՝ նպաստելով աշակերտների եւ ուսանողների զարգացմանը, խրախուսելով գերազանցութիւնը ստեղծագործական ուսուցման միջոցով և խթանելով համայնք/դպրոց համագործակցութիւնը:

Հիմնադրամը ծրագրաւորում է Հայաստանում պարբերական դասախոսութիւններ՝ ժամանակին թեմաներով, հրաւիրելով մասնագետներ և ակադեմիկոսներ ամբողջ աշխարհի անկիւններից՝ դասախոսութիւնների և ուսուցման համար:

Տեխնոլոգիան կարող է խաղը փոխել հեռաւոր գիւղերում, որտեղ աւանդական դպրոցների հասանելիութիւնը դժւար է և սահմանափակ: Բարեգործական կազմակերպութիւնը նախատեսում է օգտագործել տեխնոլոգիան, բջջային հաւելւածները և առցանց միջոցները՝ հեռաւար ուսուցման ծրագրեր, ինտերակտիւ դասեր և վիրտուալ դասասենեակներ մատուցելու համար:

Սրանով հիմնադրամը ծրագրում է ապահովել ուսուցման շարունակականութիւնը, նոյնիսկ ամենադժւար հանգամանքներում: